ubushakashatsi bwerekanye ko abantu bagufi bafite ibyago biri hejuru byo kurwara diabete

yanditswe na MUHAWENIMANA Clarisse

10/9/2019 saa 9:00






Ubushakashatsi bwashyizwe hanze n'ikinyamakuru medical journal Diabetologia kuri uyu wa kabiri bwagaragaje ko abantu bagufi bafite ibyago biri hejuru byo kurwara diabete yo mu bwoko bwa 2 ugereranyije n'abantu barebare.

ubu bushakashatsi bwerekanye ko buri centimetero 10 ziyongereye k'uburebure bw'umuntu zimwongerera amahirwe angana na 41% yo kutarwara diabete ku bagabo, mu gihe ku bagore aya mahirwe yo kutarwara diabete aba angana na 33%.

ibyago by'ubuzima ku bantu bagufi bikaba bijyana no kwiyongera kwingano y'ibinture biri mu mwijima,ibi bikagira ingaruka zuko aba bantu bashobora guhura n'ibyago byo kurwara indwara z'umutima ndetse na diabete.

Ubu bushakashatsi kandi bukaba bwagaragaje ko ikorwa ry'umusemburo wa insulin ndetse n'imikorere y'uturemangingo twingenzi muri pancreas dushinzwe gukora ama hormones atandukanye bikora neza mu bantu barebare ugereranyije n'abantu bagufi.

ubu bushakashatsi bukaba bwarakorewe ku bagore 16,600, ndetse n'abagabo 11,000 bari hagati y'imyaka 40 kugeza kuri 65,bo mu gihugu cyu Ubudage,mu mwaka w'1994 kugeza mu mwaka w' 1998.

Abantu baba barwaye diabete baba bafite ingano nyinshi y'isukari mu maraso,isukari ituruka kubyo turya.Ubushakashatsi bwakozwe mu mwaka wa 2017 bwagaragaje ko abantu bakuru miliyoni 425 bari hagati y'imyaka 20-79 barwaye diabete, kandi ko mu mwaka wa 2045 aba bantu bazaba biyongereye kugeza kuri miliyoni 629.

ubu bushakashatsi kandi bwakomeje kwerekana ko abantu barwaye diabete yo mu bwoko bwa 2 bari kwiyongera cyane ku isi,kandi 79% y'abantu barwaye diabete baba mu bihugu bikiri mu nzira ziterambere.

abantu barwaye diabete ku isi bari hagati y'imyaka 40 na 59, diabete yo mu bwoko bwa mbere iri mu bana, aho usanga umubiri unanirwa gukora umusemburo wa insulin,hormone ifasha kuringaniza isukari mu maraso.

mu gihe diabete yo mu bwoko bwa kabiri yo umubiri ukora insulin nkeya idahagije,bisobanuye ko isukari iguma mu maraso.