igitero cy'ubwiyahuzi cyahitanye abantu icumi muri Afghanistan

yanditswe na MUHAWENIMANA Clarisse

6/9/2019 saa 7:30






Kuri uyu wa kane tariki ya 5 Nzeli 2019,umutwe w'iterabwoba waba Taliban wishe abantu 10 mu gitero bakoreye mu gace ka Kabul mu mujyi wa Afghan. ni mu gisasu cyatezwe mu modoka mu gace kahitwa Shash Darak,gateganye na Green Zone, muri aka gace hakaba hakorera ibigo bitandukanye harimo n'ikigo cy'ubutasi cya Afghan.

amashusho yagaragajwe na camera zo k'umuhanda mu gitondo saa 10:10 (0540 GMT)yerekanye imodoka ya Minivan iturika,muri aba bantu 10 bapfuye harimo umusirikare umwe w' umunyamerika, uyu akaba yahise yuzuza umubare wabasirikare 16 ba Amerika bapfiriye mu bitero nk'ibi byo muri Afghanistan uyu mwaka.

nkuko bitangazwa n'umuvugizi wa minisiteri y'imbere mu gihugu,Nasrat Rahimi ni uko abantu bamaze gupfa ari 10 naho abakomeretse ni 42. abinyujije ku rukuta rwe rwa twitter umuvugizi w'umutwe waba Taliban Zabihullah Mujahid yigambye iki gikorwa aho yanditse ngo "igisasu cy'ubwiyahuzi".