igitero cy'ubwiyahuzi cyahitanye abantu 14 gikomeretsa 145 mu mujyi wa kabul

yanditswe na Ndayisaba Jacques

7/8/2019 saa 8:30






kuri uyu wa gatatu tariki ya 7 Kanama 2019, igitero cy'ubwiyahuzi cyahitanye abantu bagera kuri 14 gikomeretsa abagera ku 145,mu mujyi wa Kabul, mu gitondo saa tatu za mu gitondo nibwo umwotsi mwinshi wagaragaye mu kirere mu burengerazuba wa Kabul ukurikirwa n'iturika ry'igisasu cyaturikiye mu marembo y'ikigo cya police.




Minisitiri w'ubutegetsi bw'imbere mu gihugu cya Afghanistan yavuze ko iri turika ryatewe n'igisasu cyari giteze mu modoka,umutwe w'iterabwoba w'abataribani niwo wigambye kino gitero,ubuyobozi bwatangaje ko aba sivile 10 ndetse n'aba police 4 ari bo baguye muri iki gitero,naho mu bantu 145 bakomeretse, 92 ni aba sivile.

kuwa kabiri tariki ya 6 Kanama 2019,abantu 5 barapfuye naho 7 barakomereka mu mujyi wa Kabul ubwo imodoka yari itwaye abakozi yaturitswaga n'igisasu.