Mu minsi micye indwara ya Ebola iraba ifite umuti n'urukingo

yanditswe na MUHAWENIMANA Clarisse

13/8/2019 saa 9:30






Ibi byatangajwe n'abashakashatsi nyuma y'igerageza ry'imiti igera kuri ine yakoreshejwe muri Repubulika iharanira Demokarasi ya Congo.Abashakashatsi berekanye ko 90% y'abantu banduye iyi ndwara bashobora kuyikira igihe cyose bavuwe hakiri kare bagahabwa imiti myiza ifite ingufu. nkuko bitangazwa n'abashinzwe ubuzima muri iki gihugu nuko iyi miti igiye gutangira gukoreshwa ku barwayi ba Ebola muri Repubulika iharanira Demokarasi ya Congo.

ikigo cy'igihugu cya leta zunze ubumwe za Amerika gishinzwe indwara zandura (NIAID) ari nacyo gitera inkunga iri gerageza ry'iyi miti cyatangaje ko ibisubizo bari kubona ari inkuru nziza mu guhangana na Ebola.

imiti yiswe REGN-EB3 ndetse na mAb114, niyo ya mbere yagaragaye ko ishobora kugabanya impfu mu barwayi ba Ebola nkuko bitangazwa na Dr.Anthony Fauci, umuyobozi wa NIAID.

indi miti ni ZMapp ndetse na Remdesivir,nkuko tubikesha BBC ni uko iri gerageza ry'iyi miti ryatangiye mu kwezi ku Ugushyingo 2018.

iyi miti ikaba imaze guhabwa abantu bagera kuri 700.mu bantu bahawe umuti wa REGN-EB3, 29% nibo bapfuye, naho abahawe umuti wa mAb114 34% nibo bapfuye, mu gihe abahawe indi miti ya ZMapp hapfuye abantu 49% , abahawe Remdesivir hapfuye abantu 53% .

abantu bahawe umuti wa REGN-EB3 bari bafite virus nyeya mu maraso yabo abakize bangana na 94%, naho abahawe mAb114 hakize abagera kuri 89% nkuko tubikesha urubuga rwa BBC.




Ebola ni Virus itera umuntu kugira umuriro, gucika intege, kuruka,guhitwa,kuva amaraso ahantu hose hari umwenge ku mubiri.