Inkomoko ya Ebola ikiza cyugarije Afurika y’Iburengerazuba cyane cyane Repuburika Iharanira Demokarasi ya Congo

yanditswe na Nsabimana Prince

11/8/2019 saa 9:30






Ebola ni virus yagaragaye bwa mbere mu gihungu cya Repubulika Iharanira Demokrasi ya Congo ndetse na sudani y'amajyepfo ahasaga mu mwaka w'1976.

ikaba iterwa n'agakoko ka Ebola gashobora kwandurira mu maraso cyangwa amatembabuzi ava mu mubiri w’inyamaswa cyane cyane mu nkende n’uducurama.

Ibimenyetso biranga umuntu wayanduye bigaragara guhera ku munsi wa kabiri yandujwe kugera ku byumweru bitatu, ibimenyetso biranga uwayanduye harimo kugira umuriro, kubabara umugongo, kuribwa mu mitsi, kugira isesemi, kubabara umutwe, kuruka ndetse no guhitwa.

nyuma y'ibyo iyo virus yamaze gusakara mu mubiri hakurikiraho gucika intege k'umwijima n'impyiko ndetse uwayanduye agatangira kuvirirana amaraso.

Iyi virus akenshi ihitana abasaga 60% yabanduye agakoko kayitera, uburyo bwiza bwo kuyirinda bukaba ari ukuyibuza gukwirakwizwa ndetse no kwirinda gukora k'uyirwaye, gushyira mukato uwayanduye, kwirinda gukora no gukina n'inyamaswa zanduye cyane cyane inkende n’uducurama, kwambara imyenda ikingira umubiri no gukaraba intoki cyane mu gihe uri kwita k'umuntu wagaragaweho n'ibimenyetso bya Ebola .

mu gihe wabonye bimwe mu bimenyetso bya Ebola ihutire guhamagara usabe ubufasha ndetse utegereze Imbangukira gutabara ntugatege tagisi cyangwa moto. Kuri ubu nta muti wihariya wo kuvura iyi ndwara ndetse ntan'urukingo rwa Ebola ariko imbaraga nyinshi zikaba ziri gushyirwa mu gushaka urukingo.

Kugeza kuri uyu munsi muri Repuburika Iharanira Demokrasi ya Congo Ebola imaze guhitana abarenga 1800 kuva tariki 01 z’ukwezi kwa munani 2018 ndetse kuri ubu ikaba imaze guhitana abantu babiri mu mujyi wa Goma uhana imbibi n'igihugu cy’U Rwanda.

Kugeza ku munsi wa none igihe Ebola yaherukaga kuhitana abantu benshi hari mu mwaka 2014 aho yibasiye ibihugu birimo Gineya, Liberiya, Sierra Leone na Nigeriya ikaba yaraturutse ku mwana w’imyaka ibiri wakinaga n'uducurama mu gace ka Meliandou ko mu gihugu cya Gineya aho uyu mwana witwaga Emile Ouamouna yakinaga n'abandi bana bakinisha uducurama bikabaviramo kwandura iyi virus ikaza kubahitana ndetse na bamwe mu miryango yabo mu mwaka wa 2013. Ikaba yarakwirakwiriye mu bindi bihugu muri werurwe 2014 igahitana abarenga 1600.

Hari amoko atandatu ya virus itera Ebola, ane muri yo niyo afata abantu ari yo:

Zaïre ebolavirus (EBOV)

Sudan ebolavirus (SUDV)

Tai Forest (TAFV) yamenyekanye nka Ebola ya Ivory Coast

Bundibugyo ebolavirus (BDBV)

sources:

1. Baseler L., Chertow D, et. Al. The Pathogenesis of Ebola Virus Disease. Annu. Rev. Pathol. Mech. Dis. 2017. 12:387–418.

2 .Goldstein T. et al. The discovery of Bombali virus adds further support for bats as hosts of ebolavirusesExternal. Nature Microbiology. 2018 Aug 27. [Epub ahead of print]

3. Amundsen, S. Historical Analysis of the Ebola Virus: Prospective Implications for Primary Care Nursing Today. Clinical Excellence for Nurse Practitioners. Vol 2. No 6. 1998.

343-351. 4 .Baseler L., Chertow D, et. Al. The Pathogenesis of Ebola Virus Disease. Annu. Rev. Pathol. Mech. Dis. 2017. 12:387–418.

5 .Amundsen, S. Historical Analysis of the Ebola Virus: Prospective Implications for Primary Care Nursing Today. Clinical Excellence for Nurse Practitioners. Vol 2. No 6. 1998. 343-351.

6 .WHO. Health worker Ebola infections in Guinea, Liberia and Sierra Leone: A Preliminary Report 21 May 2015. Accessed June 20, 2017. http://www.who.int/hrh/documents/21may2015_web_final.pdf

7. Khan A. et al. The Reemergence of Ebola Hemorrhagic Fever, Democratic Republic of the Congo, 1995. J Infect Dis (1999) 179 (Suppl 1): S76-86.

8. Baseler L., Chertow D, et. Al. The Pathogenesis of Ebola Virus Disease. Annu. Rev. Pathol. Mech. Dis. 2017. 12:387–418.